Eskola-bide seguruak: Sartu laguntza-gunea da

Sartu Araban beti egin dugu komunitatea tokikotik eraikitzearen aldeko apustua, zaintzen eta laguntzen duten sareak ehunduz.

Horregatik, Eskola Bideak eta Altza Burua proiektuekin bat egin dugu, establezimendu laguntzaileetako bat bezala (Bidelagun).

Ekimen horiek, alde batetik, eskola-bide seguruak bultzatzen dituzte, haurrak modu autonomo, seguru eta iraunkorrean eskolara joan daitezen, eta, aldi berean, espazio publikoaren erabilera eta gozamena berreskuratzen da. Eta, bestetik, nerabezaroan gailu mugikorren erabilera minimizatzea sustatzen dute.

Salburua auzoan jaio zen eta, bere arrakastaren ondoren, Gasteizko erdigunera ere zabaltzen ari da.

Gune seguruak erraz identifikatzeko modukoak izango dira, establezimendu laguntzaileen sarreran (argazkia erantsi dugu) kokatuak egongo diren Eskola Bideak-en logoa duen eranskailu bati esker.

Gure parte-hartzearekin, Gasteizko erdigunea leku seguruagoa, atseginagoa eta komunitarioagoa izan dadin laguntzen dugu.