Konpetentzietan formakuntza eta gaztelaniazko klaseak. Maila desberdinak dituen eskaintza zabalagoa izateko beharra ikusten da. Funtsezkoa ikusten dugu kurtso hauek ikasturtean zehar sartzeko aukera ematea eta ordutegi bateragarrietan izatea. Halaber, egunean ordu gehiagoko ikastaro trinkoagoak eskaintzeko nahia nabari da. Elkarrizketa espazio gehiagoren beharra ikusten da ere.
Oinarrizko informatika presentziala. Eten digitalaren ondorioz, pertsona asko oso egoera ahulean daude, baliabideak eskuratzeko hitzorduak Internet bidez eskatzen baitira. Gaitasun horiek lortzeko formazio laburrak egon arren, beharrezkoa da horiek denboran luzeagoak izatea, ikasitakoa finkatu ahal izateko.
Erregulazio prozesuan dauden pertsona migratuei laguntza prozesu integralak. Ezohiko erregulazioaren esperientziarekin, pertsonari egokitutako prestakuntza ibilbideen diseinuaren beharra ikuste da, hain zuzen ere, formakuntza, orientazioa eta bitartekaritza barne hartzen dituzten prozesuak.
Prestakuntza-eskaintza indartzea eskari handiena duten arloetan. Lanbidek egindako 2022ko prestakuntza-beharren diagnostikoan ikusi da herritarrek gehien eskatzen dituzten prestakuntzak garbitasuna, soldadura, biltegia, lorezaintza, arreta soziosanitarioa eta abar direla (zerbitzuaren barruan artatutako pertsonen interesekin bat etorriz). Ildo horretan, txosten horiek urtero argitaratzea egokia izango litzateke bilakaera ikusteko.
Eskakizun txikiko prestakuntza. Beren bizi-egoeragatik (osasun mentalari lotutakoak, ezintasunak, familia arloko zailtasunak etab.) prestakuntza oso luzeak egin ezin duten pertsonentzat.
Uda garaian prestakuntza ekintzen jarraitutasuna. Udako hilabeteetan, esanguratsuki abuztuan, ekintzak asko murrizten direla behatzen da. Baliabideen itxiera eta erreferentzia espazioen murriztea zailtasun gehigarria izaten da zaurgarritasun altuko egoeretan bizi diren pertsonentzako. Izan ere, lan bilaketari lotutako formakuntza prozesuan dauden pertsonentzat oztopo bat izaten da ere.
Ikuspegi feminista kontuan izatea prestakuntzen diseinuan. Emakumeen egoerak kontuan hartzen dituzten prestakuntza-ekintzak egiteko beharra antzematen da. Horretarako, beharrezkoa da ikastaroak emakumeen erantzukizunekin bateragarriak diren ordutegietan egitea (goizeko ordutegia 9:30etik aurrera). Gainera, funtsezkoa da prestakuntza-ekintzetan espazio seguruak sortzea, emakumeak eroso senti daitezen.
Hautemandako beste zailtasun batzuk:
Errolda lortzeko zailtasuna, eta, ondorioz, prestakuntzan hautatua izateko.
Langabeentzako eskorga-txartela.
Homologazio-prozesuetara iristeko zailtasunak jatorrizko herrialdeen arabera: jatorrizko herrialdeko kudeaketen kostu handia, tramiteak egiteko zailtasunak etab.
Gasteizen dagoen parte-hartze sozialaren eskaintza ez ezagutzea.
Ikaskuntza baliabideen sarbidean zailtasunak, besteak beste, jatorrizko hizkuntzetako irakurketak edo bestelako material egokituak.
Comments
Leave a reply